Riba djasabra 4 di mei 2024 biblioteka públiko ta pasa dos pelíkula tokante bonerianonan durante Segundo Guera Mundial. Ta trata di e pelíkulanan ‘Lágrima di guera’ i ‘Mortonan di guera’, ku Fundashon Históriko Kultural Boneriano, FUHIKUBO, a traha. ‘Lágrima di guera’ ta ilustrá kon bida tabata na Boneiru durante e añanan di guera. Den ‘Mortonan di guera’ nan ta para ketu na e víktimanan boneriano ku a muri den Segundo Guera Mundial. Kada pelíkula ta dura un ora i mei, i ta pasa e pelíkulanan for di 09:00 or te 13:00 or. Entrada ta grátis. Spesialmente pa Dia di Konmemorashon di Defuntu, biblioteka a prepará un mesa di tema ku atenshon pa buki ku ta bai tokante Segundo Guera Mundial.
Hendenan ku e mira e pelíkulanan por manda un email na eventsbibliotekapubliko@bonairegov.com, òf yama e number 715 5344. Ta posibel tambe pa mèldu na biblioteka mes pa wak e pelíkulanan na Kaya Gramèl s/n
